*સફેદ ચંપો*

ઘણાં જાહેર બાગ બગીચાઓની શોભા વધારતું વૃક્ષ એટલે સફેદ ચંપો.

​

પાંચ સફેદ પાંખડીઓ ધરાવતાં ફૂલનો વચ્ચેનો ભાગ સુંદર પીળાં રંગનો હોય છે અને ફૂલમાંથી સરસ ધીમી મીઠી સુગંધ આવતી હોય છે. આ ફૂલો ભગવાનની પૂજા તેમજ સુશોભન માટે ઉપયોગી છે.

​

ઘણાં મંદિરોનાં પરિસરમાં આ વૃક્ષને ઉછેરવામાં આવતું હોવાથી એને *Temple tree* પણ કહે છે.

 

આ વૃક્ષની આશરે બે આંગળી જેટલી જાડી ડાળીને એનાં પાંદડાં દૂર કરીને રોપવાથી એને સરળતાથી ઉછેરી શકાય છે. એને વધુ ભેજવાળી જમીન માફક ન હોવાથી થોડો તાપ હોય એવાં ગરમ દિવસોમાં ડાળી રોપવી હિતાવહ છે. 

​

*દરેક વૃક્ષ છે ખાસ!*

(સફેદ ચંપો - Frangipani - ભાગ ૧)