*આકાશ ચમેલી* 

​

ચમેલી વિશે તમે સાંભળ્યું હશે. ચમેલીની *વેલ* હોય છે અને એને સફેદ રંગનાં સુગંધિત ફૂલો આવે છે. આજે આપણે વેલ નહિ પણ એવાં *વૃક્ષ* વિશે વાત કરવી છે જેને પણ ચમેલી જેવા સુગંધિત સફેદ ફૂલો આવતા હોય છે.

 

આ વૃક્ષ _*આકાશ ચમેલી*_, _*લટક ચમેલી*_ કે _*બૂચ*_ તરીકે ઓળખાય છે. સીધું થડ અને લાંબો પિરામિડ આકારનો પર્ણમુકુટ ધરાવતું અને ઝડપથી વૃદ્ધિ પામતું આ વૃક્ષ લગભગ ૧૮ થી ૨૫  મીટર જેટલી ઊંચાઈ પ્રાપ્ત કરી શકે છે. 

 

પારિજાતની જેમ આ વૃક્ષનાં ફૂલો પણ રાત્રે ખીલે છે અને સવાર થતાં મોટા ભાગનાં ફૂલો ખરી પડે છે. આ વૃક્ષને વસંતઋતુમાં અને ઘણી વાર દિવાળીની આસપાસ ફરી વાર ફૂલો આવતાં હોય છે. આ સમય દરમિયાન આસપાસનું વાતાવરણ ફૂલોની સુગંધથી મહેકી ઊઠે છે.

 

મહારાષ્ટ્રમાં મહિલાઓના વાળની શોભા વધારતી ફૂલોની વેણી બનાવવા માટે આ ફૂલોનો ઉપયોગ થાય છે.

 

*દરેક વૃક્ષ છે ખાસ*

 

(આકાશ ચમેલી - Indian Cork tree - ભાગ ૧)

​

​

​

​

 

​