*ઓફિસ ટાઈમ ફૂલ*

​

કોઈ ધાર્મિક સ્થાન હોય કે કોઈ પાર્ટી પ્લોટ, કોઈ કૉલેજનું કેમ્પસ હોય કે કોઈ જાહેર બાગ બગીચો કે પછી હોય કોઈ મોલ કે બિલ્ડીંગનું પ્રવેશદ્વાર, બધી જગ્યાએ શોભા વધારતાં આ નયનરમ્ય ફૂલો સંભવતઃ તમને જોવા મળી જ જાય.

 

સવારે ૮-૯ વાગે જ્યારે એનાં પર સૂર્યપ્રકાશ પડે ત્યારે આ ફૂલો ખીલતાં હોય છે અને સાંજે ૪-૫ વાગે જ્યારે સૂર્યપ્રકાશ ઓછો થાય ત્યારે આ ફૂલો બીડાવાની શરૂઆત થતી હોય છે. આ સમય મોટાં ભાગની ઓફિસોના સમયને મળતો આવતો હોવાથી આ ફૂલને ઓફિસ ટાઈમ ફૂલ કહે છે.

 

આ ફૂલો સફેદ, રાણી, આછો ગુલાબી, કેસરી વગેરે વિવિધ રંગોમાં જોવા મળે છે.

 

આ છોડને પૂરતો સૂર્યપ્રકાશ મળી રહે એવી જગ્યાએ રોપવો જોઈએ. આ છોડની ડાળીને રોપવાથી પણ એને સહેલાઈથી ઉગાડી શકાય છે. આ છોડને બહુ માવજતની જરૂર નથી પડતી. ઘણાં લોકો પોતાનાં ઘરે કૂંડામાં રોપવા માટે આને ખાસ પસંદ કરે છે.

​

*દરેક વૃક્ષ છે ખાસ*

( ઓફિસ ટાઈમ ફૂલ - Moss Ross - ભાગ ૧ )